守护天使邓健泓 马尔代夫度蜜月遇政变 邓健泓偕妻半夜入院

2018-10-24 - 邓健泓

邓健泓 (Patrick) 和石咏莉 (Sukie)去年底结婚后,直到前日两公婆才起程去马尔代夫度蜜月,同时亦因为 Patrick 会在今年 4 月举行演唱会,农历新年后就一直忙搞开骚事宜,所以一早 mark 定时间出 trip,趁开骚前放尽同 Sukie 好好享受假期,但人算不如天算,竟然撞正当地爆发政治危机,全国进入紧张状态。

守护天使邓健泓 马尔代夫度蜜月遇政变 邓健泓偕妻半夜入院
守护天使邓健泓 马尔代夫度蜜月遇政变 邓健泓偕妻半夜入院

Sukie 昨晚已在 facebook 报平安,Patrick 就表示暂时一切安好,大家不用担心,Patrick 说:「我哋前晚到咗马累,要住一晚酒店先嚟依家呢个 resort,但一去到马累,系好奇怪地见到防暴警察同水马摆喺酒店门口,我有问过啲当地人,佢哋就话有抗议事件,但瞓咗一晚之后,真系唔好彩,Sukie 扁桃线发炎,我哋要去马累嘅医院睇病,当时系凌晨四点几,医院都冇咩人,我哋好安然睇完医生攞咗药就返酒店。

守护天使邓健泓 马尔代夫度蜜月遇政变 邓健泓偕妻半夜入院
守护天使邓健泓 马尔代夫度蜜月遇政变 邓健泓偕妻半夜入院

噚日朝我哋喺酒店出发,见到有警察喺市中心,我哋都系照上船返机场去 resort,暂时一切正常。」

现时 Patrick 夫妇身处马尔代夫其中一个小岛,一切平安,Patrick表示,「暂时都好宁静,冇嘢发生,运作好正常,啲人好似唔太担心,都好有礼貌、好有 service;Sukie 噚晚食药之后好好多,都有精神,系有啲喉咙痛,好彩带咗佢去医院,因为之前扁桃线发炎会令到佢发烧。」今日 Patrick 更在 fb 贴上太太「影后」相,以示两人平安无恙,Patrick 并感谢亲友们的关心。

相关阅读