郑嘉颖陈凯琳结婚 【郑嘉颖陈凯琳结婚】3年「父女恋」终成正果!

2018-09-30 - 郑嘉颖

恭喜恭喜!48歲嘅鄭嘉穎同27歲港姐冠軍女友陳凱琳(Grace),拍拖3年終修成正果,佢哋今日喺印尼峇里Bvlgari Resort Bali The CHAPEL 舉行婚禮。今日早上,一對新人亦有依足中國傳統先有接新娘儀式,嘉穎更有求必應,應Grace要求下,開金口唱出自己歌曲《一千個願意》冧老婆,又抱起Grace由走廊行入大廳,足足200呎路程。

郑嘉颖陈凯琳结婚

之後嘉穎與穿上裙褂嘅Grace一齊斟茶俾雙方父母。

當地時間下午兩點,新娘子Grace換上白色婚紗,蹺住爸爸臂彎步入教堂,據知一對新人都有感動落淚,而陳爸爸則強忍男兒淚,送愛女出嫁。

娶得美人歸嘅新郎嘉穎興奮話:「冇辦法,為咗娶老婆乜都要做,今次算好簡單,Grace嗰邊伴娘好易話為,只係唱咗首歌同抱佢出去,其實都好簡單,多謝佢哋。」

郑嘉颖陈凯琳结婚

今日系郑嘉颖同陈凯琳嘅大喜日子,唔少圈中好友都去到峇里观礼!作为嘉颖好友嘅黄智贤啱啱喺社交网分享咗同成班兄弟姊妹影相嘅短片,并留言:“七星伴月!”

片中虽然未见到一对新人,但就见到兄弟们包括马国明、曹永廉、黄智贤、黄嘉乐、黎耀祥、林子善都着上西装,官仔骨骨,但竟然摆出龙爪手“生擒”唐诗咏,非常搞笑!被包围嘅诗咏着上Deep V长裙劲有仙气,又交足戏摆出一副惊讶样,曹永廉搞笑话:“个个都想链死佢!”搞到诗咏笑到乌晒身不经意露出事业线,之后又晒埋“祖莉腿”,估唔到婚礼开始前已经咁有睇头呀!

郑嘉颖陈凯琳结婚

郑嘉颖与陈凯琳今日于峇里成婚,修成正果!据知一对新人在行礼各有准备致词,读出时更感动到喊,嫁女的陈妈妈与娶新抱的郑妈妈都亦流泪,十分感动。见证女儿出嫁,陈爸爸强忍男儿泪,表现兴奋又开心!返回搜狐,查看更多

郑嘉颖陈凯琳结婚
相关阅读